مرحبـا بـك!

مرحباً بكم في منتدى ألمانيا

Login with Facebook

التصنيفات

في هذه المشاركة

تجربة " شام العز " في آخد الفيزا الدراسيه من السفاره الآلمانيه في الرياض
  • تجربتي في سفارة الرياض 31.08.2014
    انا خلصت بكلوريا هالسنة 2014 في السعودية.

    << الاوراق الي اخدتن حطيتن في ظرف واحد ( في الاخير الموظفة راح ترجع تفردن) >>



    1- ثلاث طلبات للتقديم للفيزا موقعين
    2-نسخة موتفيتيشن لتر موقعة
    3-نسخة CV موقعة
    4- كشف حساب الوالد 6 شهور(بالانجليزي)
    5- خطاب من جهة العمل التي يعمل لديها الوالد( بالانجليزي)
    6-قبول INFORMATIK غير مشروط بلغة من جامعة اليمناو .
    7-شهادة A2 واثبات اني عم أدرس B1.1 هون في معهد جوته الرياض
    8-شهادتي الثانوية مصدقة دون الحاجة للترجمة لانو نصها باللغة الانجليزية
    9-صورتين من جواز سفر وصورة اقامة
    10- صورة جواز سفر الوالد
    11- كشف حساب في شباركاسة اخن



    << المقابلة: >>


    كان موعدي في 31.8.2014 الساغة 10:30 حضرت الساعة 8 ما رضي الموظف يفوتني الي رجاع الساعة عشرة .

    رجعت الساعة عشرة فتت كان مافي اي نظام والطاسة ضايعة وكل واحد لازم يحفظ مين ابلو . اجا دوري الساعة 11:30 الموظفة كانت مصرية وكتير حبابة اخدت مني الوراء ما غيرت شي في التريب بس قرئتن وتمعنت فين وسألتني بعض الاسئلة متل كم اخ عندك , جامعة ولا مدرسة, شو بيشتغل الوالد , شو بدك تدرس , ليش هاد التخصص وبس التلي رايحة ورجي ورائك للقنصل روح اعود .


    رحت اعدت حوالي نص ساعة ومشت كل الناس الي كانو بعدي بعد شوي بتؤوم وبيأعد محلها شب الماني وبيناديلي وبيألي GUTEN MORGEN رديت علي وصار يسألني في الالماني واجاوبو قدر المستطاع وفي اسئلة ما افهمها اصلا .

    حطلي ورئة في الدرج والي حلها فيها اربع اسئلة بسيطين عن informatik بس في الانجليزي حليت الي حسنت علي وعطاني ورئة الاجوبة كانت الاجوبة طويلة جدا جدا حتى مافي مساحة اكتب فيها هالاجوبة غير بالكومبيوتر.

    وكان عم يطلع فيني ويهز راسو وعم يرتب ورائي وبدو يعطيني ياهن عأساس ام عطاني ست او سبع وراء فيهن 30 سؤال تقريبا باللغة الالمانية والسؤال عبارة عن تفرعات من سطرين لاربع سطور. وكانت الساعة وئتها حوالي 12:30

    الاسئلة هي كلها ما توقعتا وكانت المصطلحات الي ستعملوها كتير صعبة وجديدة عليي.
    بعض الاسئلة الخرندعية الي بتزكرها متل .


    - ليش ما كملت دراستك في نيجيريا ؟؟ ؟ حوالي اربع اسئلة عن نيجيريا..
    - ليش ما درست في بريطانيا او امريكا
    - مين ساعدك في القبولات والمعهد؟
    - وين راح تدرس ؟ شو اسم الجامعة؟ شو بتعرف عن المدينة؟ شو اسم الولاية الي بتنتمي الها مدينتك؟
    - و التخصص؟ كم سمستر؟ شو المواد الي راح تدرسها؟ ....
    - وين راح تسكن؟
    - كم سنة الابتدائية؟؟ شو المواد الاختيارية الي خترتها لما كنت ابتدائية؟ هون كمان في اربع اسئلة عن المواد الاختيارية والابتدائية
    - مين راح يمول دراستك ؟
    - وين تعلمت الماني ؟ مين درسك؟ لأي مستوى وصلت؟
    - ليش المانيا؟شو بتعرف عن المانيا؟ شو الدول الي حد المانيا؟ من وين بتعرف هي المعلومات ؟.................................. وكتييير اسئلة ما بتزكرها .


    انا جاوبت على نص الاسئلة تقريبا واجت موظفة سورية التلي هات الوراء بدنا نسكر ولا ما باخدن نهائيا ( كانت معصبة الله يهديها) وكان بعدلي صفحة كاملة ما حليتا غير الاسئلة الي ما فهمتا من اول.
    عطيتا الوراء شافتن هي والمصرية عالسريع ومدري شو حكو والولي اعود


    بعد شوي ندهتلي الموظفة المصرية طلبت مني 300 ريال وعطتني وصل واخدت بصماتي والتلي مندئلك نحن بعدين.
    مدة المقابلة ساعة ونص والاسئلة كتيرة جدا لكن مندعي الله يئدم الي فيو الخير .
    -----------------------------------------------------------------------
    الحمدلله تم قبول الفيزا بعد شهر و 10 ايام اجاني الرد
  • يسلمو يسلمو @rezki

  • فيك تكتب عن حياتك اللي قضيتها آثناء دراسة الريضيات @rezki , حابه اسمع هيك شي منك واتعرف عليك اكتر :|
  • من اين صدقة الشهادة لأن الخارجية السعودية لا تصدق على شهادات الثانوية ارجو الرد لدي موعد مع السفارة بعد 4 ايام